İKİ YOL
İKİ YOL
Orda Şuşa qalası gözləyir yolumuzu
Burda “Şuşa” restoranı.
Birinə getməyə qeyrətimiz şatmır,
birinə getməyə pulumuz.
HEÇ NƏYİ DƏYİŞMƏZ BU YAZ YAĞIŞI
YAZ YAĞIŞI
Heç nəyi dəyişməz bu yaz yağışı,
Nə o Ay işıqlı xatirələri,
Nə də gözlərinə çökən kədəri.
Heç nəyi dəyişməz, amma ürəyi,
Aldada-aldada zorlamaq olar,
Həsrət şerləri yazıb gecələr,
Beş-on ağ varağı korlamaq olar.
SƏNİN GÖZLƏRİNİN ALLAHI YOXDUR
SƏNİN GÖZLƏRİNİN ALLAHI YOXDUR
Ömür səhifəmə yüz qara salır
Aparıb yolumu, düz qara salır,
Məni dirigözlü odlara salır
Sənin gözlərinin allahı yoxdur.
BİR QOLUM ARAZDI, BİR QOLUM KÜRDÜ
BİR QOLUM ARAZDI, BİR QOLUM KÜRDÜ
Bir tikə tapdığım çörəyə şükür,
var-dövlət görəndə əldən getmirəm.
hər kəsin qisməti öz əlindədir
dünyada heç kimə qibtə etmirəm...
